ఆగస్టు 17 నుంచి భోగాపురం నుంచే విమానాలు!
Vizag Airport: విశాఖపట్నం ( Visakhapatnam ) నగరంతో, ఇక్కడి ప్రజలతో ఎంతో కాలంగా ముడిపడి ఉన్న ఒక గొప్ప అనుబంధానికి తెరపడబోతోంది. దశాబ్దాలుగా మన ప్రయాణాలకు సాయంగా నిలిచి, ఎన్నో తీపి జ్ఞాపకాలను అందించిన విశాఖపట్నం ఎయిర్పోర్ట్ ( Airport ) నుంచి సాధారణ విమానాల రాకపోకలు త్వరలోనే ఆగిపోతున్నాయి. ఈ ఆగస్టు 17 అర్ధరాత్రి 12:01 గంటల నుంచి విశాఖ ఎయిర్పోర్ట్ నుండి నడిచే ప్యాసింజర్ ఫ్లైట్స్ అన్నింటినీ నిలిపివేస్తున్నట్లు కేంద్ర ప్రభుత్వం ( Government ) అధికారికంగా ప్రకటించింది.
సామాన్యుడి జీవితంతో ముడిపడిన ఎయిర్పోర్ట్ జ్ఞాపకాలు
కేవలం ప్రయాణాలు చేయడమే కాదు.. విశాఖవాసుల ప్రతి ఇంటా ఒక భావోద్వేగ ఘట్టానికి ఈ ఎయిర్పోర్ట్ వేదికైంది.
కళ్లల్లో నీళ్లు.. పెదవులపై నవ్వులు: ఉపాధి కోసం, ఉన్నత చదువుల కోసం విదేశాలకు లేదా వేరే నగరాలకు వెళ్లే పిల్లలకు వీడ్కోలు చెబుతూ కంటతడి పెట్టిన తల్లిదండ్రుల ఆత్మీయ అనుభూతి ఈ టెర్మినల్ గోడలకు తెలుసు.
తిరిగి వచ్చిన సంతోషం: ఏళ్ల తరబడి దూరంగా ఉండి, పండక్కి ఊరొచ్చిన సొంత మనుషులను ఎయిర్పోర్ట్ బయట ఆనంద బాష్పాలతో ఆలింగనం చేసుకున్న క్షణాలు ప్రతి ఒక్కరి జ్ఞాపకాల్లో పదిలంగా ఉంటాయి.
ఆశ్చర్యం – ఆనందం: నగరం మధ్యలోనే ఉండటంతో, రన్వేపై నుంచి పక్షిలా ఎగిరే విమానాలను చూస్తూ చిన్న పిల్లలు సంబరపడిపోవడం.. మొదటిసారి విమానం ఎక్కి ఆకాశంలోకి ఎగురుతుంటే కిటికీలోంచి విశాఖ తీర ప్రాంత అందాలను చూసి సామాన్య ప్రయాణికుడు పొందిన అనుభూతి వర్ణనాతీతం.
ఇలా ప్రతి సగటు ప్రయాణికుడి నవ్వులు, కన్నీళ్లు, నిరీక్షణలు ఈ ఎయిర్పోర్ట్తో విడదీయరాని బంధాన్ని ఏర్పరిచాయి.
80 ఏళ్ల ప్రయాణం.. ఒక చారిత్రాత్మక ప్రస్థానం
1941లో బ్రిటీష్ వారి కాలంలో కేవలం ఒక మిలిటరీ ఎయిర్ఫీల్డ్గా మొదలైన ఈ ఎయిర్పోర్ట్ ప్రయాణం నిజంగా విశేషమైంది.
1954లో ఇక్కడ చిన్నగా పౌర విమానాల రాకపోకలు మొదలయ్యాయి.
1981 నాటికి పూర్తిస్థాయిలో రెగ్యులర్ ఫ్లైట్స్ తిరగడం ప్రారంభమైంది.
1981లో రోజుకు కేవలం ఒకే ఒక ఫ్లైట్తో మొదలైన ఈ ఎయిర్పోర్ట్, కాలక్రమేణా ఏపీలోనే రెండవ అతిపెద్ద ఎయిర్ హబ్గా ఎదిగింది.
2009లో కొత్త ప్యాసింజర్ టెర్మినల్, 2010లో ఇంటర్నేషనల్ ఎయిర్పోర్ట్గా గుర్తింపు పొందడం విశాఖ నగర చరిత్రలో కీలక మైలురాళ్లు.
ఆగస్టు 17 నుంచి భోగాపురం ‘అల్లూరి సీతారామరాజు’ ఎయిర్పోర్ట్ స్టార్ట్!
వైజాగ్ ఎయిర్పోర్ట్లో ప్యాసింజర్ ఫ్లైట్స్ ఆగిపోతున్నట్లే..
ఆగస్టు 17 అర్ధరాత్రి 12:01 గంటల నుండి విజయనగరం జిల్లా భోగాపురంలో జీఎమ్ఆర్ (GMR) సంస్థ నిర్మించిన కొత్త ఎయిర్పోర్ట్ ( Bhogapuram Airport ) అందుబాటులోకి రానుంది. ఈ విమానాశ్రయానికి అల్లూరి సీతారామరాజు అంతర్జాతీయ విమానాశ్రయం (Alluri Sitharamaraju International Airport ) అని పేరు పెడుతూ కేంద్ర ప్రభుత్వం గెజిట్ నోటిఫికేషన్ విడుదల చేసింది. సీఎం చంద్రబాబు ( Chandra babu Naidu )గారి నేతృత్వంలో ఏపీ కేబినెట్ తీసుకున్న నిర్ణయానికి కేంద్రం అధికారిక ముద్ర వేసింది. ఇకపై విశాఖ ఎయిర్పోర్ట్ ఇంటర్నేషనల్ కోడ్ ‘VTZ’ కూడా భోగాపురం ఎయిర్పోర్ట్కే సొంతమవుతుంది.
వైజాగ్ ఎయిర్పోర్ట్లో ఇకపై ఏ ఫ్లైట్స్ ఉంటాయంటే?
సాధారణ ప్రయాణికుల ఫ్లైట్స్ భోగాపురానికి మారిపోయినా, వైజాగ్ ఎయిర్పోర్ట్ పూర్తిగా బంద్ కాదు. ఆర్మీ ( Army ), నేవీ ( Navy ), ఎయిర్ ఫోర్స్ ( Airforce ) విమానాలతో పాటు విఐపి (VIP) విమానాలు, చార్టర్డ్ ఫ్లైట్స్, ప్రభుత్వ అతిథుల విమానాలు ఇక్కడి నుంచే నడుస్తాయి. జాతీయ అత్యవసర పరిస్థితుల సమయంలో సాధారణ విమానాలు ల్యాండ్ అవ్వడానికి మినహాయింపు ఉంటుంది.
ఏది ఏమైనా, దశాబ్దాలుగా మన ఇంటి పక్కనే ఉన్నట్టుగా.. మన జీవితాల్లో ఒక భాగంగా మారిన విశాఖ ఎయిర్పోర్ట్కు వీడ్కోలు చెప్పడం కాస్త కష్టంగానే ఉన్నా, ప్రాంతీయ అభివృద్ధికి ద్వారాలు తెరిచే భోగాపురం నూతన అంతర్జాతీయ విమానాశ్రయానికి విశాఖ వాసులు స్వాగతం పలుకుతున్నారు.
