Pop Corn History:
మనలో చాలామందికి థియేటర్కి వెళ్లి పెద్ద స్క్రీన్ మీద సినిమా చూడటం ఒక పెద్ద ఎమోషన్. కానీ నిజం చెప్పాలంటే.. ఆ సీటులో కూర్చుని ఒక చేతిలో కూల్ డ్రింక్, ఇంకో చేతిలో హాట్ అండ్ స్పైసీ పాప్కార్న్ పట్టుకుంటే వచ్చే కిక్కే వేరు కదా. ఓటీటీలు ఎంత వచ్చినా, ఎంత పెద్ద హోమ్ థియేటర్లు ఇంట్లో ఉన్నా.. థియేటర్లో పాప్కార్న్ తింటూ సినిమా చూసే వైబ్ అసలు మ్యాచ్ అవ్వదు. అయితే, ఒకప్పుడు థియేటర్ల నిర్వాహకులు ఈ పాప్కార్న్ను అసలు లోపలికే రానిచ్చేవారు కాదంటే మీరు నమ్ముతారా? అసలు ఈ పాప్కార్న్ హిస్టరీ ఏంటి, ఇది సినిమా ఇండస్ట్రీని ఎలా సేవ్ చేసిందో ఇప్పుడే చూసేద్దాం.
వేల ఏళ్ల నాటి స్నాక్.. మన పూర్వీకుల క్రేజ్
పాప్కార్న్ అంటే నిన్న మొన్న వచ్చిన ట్రెండీ ఫుడ్ కాదు బాస్. ఇది ప్రపంచంలోనే వన్ ఆఫ్ ది ఓల్డెస్ట్ స్నాక్స్. దాదాపు 6,700 సంవత్సరాల క్రితమే పెరూ దేశంలో పూర్వీకులు మొక్కజొన్నలను వేడి చేసి, పేల్చి తినేవారని పురావస్తు ఆధారాలు చెబుతున్నాయి. 17వ శతాబ్దంలో పేరు పొందిన ఫ్రెంచ్ సైంటిస్టులు కూడా అక్కడ స్థానికులు వీటిని పిసెంకర్ అని పిలుస్తూ ఎంతో ఇష్టంగా తినడం గమనించారు. అంతేకాదు, నార్త్ అమెరికాలోని ఇరోక్వాయిస్ తెగ ప్రజలు వేడి ఇసుకతో నిండిన కుండల్లో మొక్కజొన్న గింజలు వేసి, వాటిని సూప్లలో కూడా వేసుకొని తాగేవారట. అంటే మనవాళ్ల ఫుడ్ ప్రయోగాలు ఈనాటివి కావు.
స్ట్రీట్ నుంచి షాప్ల దాకా పాప్కార్న్ జర్నీ
1885లో షికాగోకి చెందిన చార్లెస్ క్రెటర్స్ అనే వ్యక్తి ప్రపంచంలోనే మొట్టమొదటి స్టీమ్-పవర్డ్ (ఆవిరితో నడిచే) ఆటోమేటిక్ పాప్కార్న్ మిషన్ను కనిపెట్టాడు. వెజిటబుల్ ఆయిల్, జంతు కొవ్వుల మిశ్రమంతో పనిచేసే ఈ మిషన్ను 1893 వరల్డ్స్ ఫెయిర్లో ప్రదర్శించారు. 1900 నాటికి ఇవి కరెంట్తో నడిచేలా మారి, రోడ్డు పక్కన బండ్ల మీద నుంచి మెల్లగా వీధుల్లోకి, పెద్ద పెద్ద షాపుల్లోకి ఎంట్రీ ఇచ్చేసాయి. వీధుల్లో వెళ్లే వాళ్లకు ఈ పాప్కార్న్ కరకర శబ్దాలు, వాసనలు పిచ్చెక్కిచ్చేవి.
ఒకప్పుడు థియేటర్ల ఓనర్లకి ఈ పాప్కార్న్ నచ్చేదే కాదు
1896 ప్రాంతంలో సినిమాలు మొదలైన కొత్తలో థియేటర్లను చాలా రాయల్, విలాసవంతమైన ప్రదేశాలుగా భావించేవారు. అక్కడి ఖరీదైన కార్పెట్లు, సోఫాలు పాప్కార్న్ పొట్టు పడి మురికి అవుతాయని, నాటకాల తరహాలో నిశ్శబ్దంగా చూడాల్సిన చోట ఈ ‘నమిలే శబ్దాలు’ గోలగా ఉంటాయని ఓనర్లు థియేటర్ లోపలికి పాప్కార్న్ను అస్సలు రానిచ్చేవారు కాదు. అప్పట్లో మూగ సినిమాలు ఉండేవి కాబట్టి, ఆ నిశ్శబ్దంలో ఈ నమిలే గోల భరించడం కష్టమని భావించి నో ఎంట్రీ బోర్డు పెట్టేశారు.
సినిమా ఇండస్ట్రీని కాపాడిన పాప్కార్న్ మ్యాజిక్
1927లో ది జాజ్ సింగర్ సినిమాతో టాకీ (సౌండ్) యుగం మొదలైంది. సినిమాల్లో డైలాగులు, మ్యూజిక్ రావడం వల్ల ఈ పాప్కార్న్ నమిలే శబ్దాలు పెద్దగా ఇబ్బంది అనిపించలేదు. అయితే, 1930లో అమెరికాను ఊపేసిన గ్రేట్ డిప్రెషన్ (ఆర్థిక మాంద్యం) సమయంలో ప్రజల దగ్గర పైసలు ఉండేవి కావు. ఆ టైమ్లో చాలా చౌకగా దొరికే ఏకైక స్నాక్ పాప్కార్న్ మాత్రమే. దాంతో జనాలు బయట దొరికే పాప్కార్న్ కొనుక్కొని దొంగతనంగా థియేటర్లలోకి తీసుకెళ్లడం మొదలుపెట్టారు.
ఇది చదివారా.. AIతో మెదడుకు మతిమరుపు
ఇది గమనించిన థియేటర్ ఓనర్లు బయట వాళ్లకు లాభం ఇవ్వడం దేనికి, మేమే థియేటర్ లోపల పాప్కార్న్ అమ్మితే పోలా అని ప్లాన్ చేశారు. అంతే. రెండో ప్రపంచ యుద్ధ సమయంలో చక్కెర కొరత ఏర్పడి చాక్లెట్లు, క్యాండీల ధరలు పెరిగిపోవడంతో, పాప్కార్న్ సేల్స్ ఏకంగా 300 శాతం పెరిగాయి. థియేటర్లకు వచ్చే లాభంలో 70 శాతం ఒక్క పాప్కార్న్ అమ్మకాల నుంచే రావడం విశేషం. అలా నష్టాల్లో మునిగిపోతున్న సినిమా పరిశ్రమను ఈ చిన్న పాప్కార్న్ వ్యాపారమే గట్టెక్కించింది.
గ్లోబల్ ఆహారం.. లోకల్ ఫ్లేవర్స్
ఈ రోజుల్లో ప్రపంచవ్యాప్తంగా పాప్కార్న్కు ఉన్న క్రేజ్ అంతా ఇంతా కాదు. కాకపోతే దేశాన్ని బట్టి దాని రుచులు మారిపోతాయి.
మన ఇండియాలో కారకారంగా ఉండే మసాలా పాప్కార్న్ ఎంత ఫేమసో అందరికీ తెలిసిందే.
జపాన్లో సీవీడ్ ఫ్లేవర్, ఆస్ట్రేలియా అండ్ న్యూజిలాండ్లలో డోనట్ ప్లస్ పాప్కార్న్ కాంబినేషన్ చాలా పాపులర్.
ఎన్ని రకాల కాలాలు మారినా, పాత రీళ్లు పోయి డిజిటల్ స్క్రీన్లు వచ్చినా.. థియేటర్లో కూర్చొని చీకట్లో ఫ్రెండ్స్తో, ఫ్యామిలీతో సరదాగా పాప్కార్న్ షేర్ చేసుకుంటూ సినిమా చూస్తే వచ్చే ఆ మజా మాత్రం ఎప్పటికీ నెక్స్ట్ లెవెల్.
ఇది చదివారా..? కొత్తగా వచ్చేస్తున్న ఈ నయా ట్రెండ్ గురించి తెలుసా..?